ఒకేసారి 175 సీట్లకు అభ్యర్ధుల ప్రకటన

6 0

తండ్రి తరహాలో జగన్మోహన్ రెడ్డి జాబితా

2019 అసెంబ్లీ ఎన్నికల్లో వైఎస్ఆర్ కాంగ్రెస్ పార్టీ తరపున పోటీ చేయబోయే అభ్యర్ధుల జాబితాను ఆ పార్టీ అధ్యక్షుడు జగన్మోహన్ రెడ్డి ఆదివారం ప్రకటించారు. 175 అసెంబ్లీ నియోజకవర్గాలకు ఒకేసారి అభ్యర్ధులను ప్రకటించిన జగన్, లోక్ సభ అభ్యర్ధులలో నిన్న వెల్లడించగా మిగిలిన 16 మంది పేర్లను కూడా ఆదివారం ప్రకటించారు.

కడప జిల్లా ఇడుపులపాయలో తన తండ్రి సమాధి వద్ద నివాళులు అర్పించాక పార్టీ అభ్యర్ధుల జాబితాలను జగన్ విడుదల చేశారు. మాట ప్రకారం బీసీలకు ప్రాధాన్యత ఇచ్చామన్న జగన్… 25 లోక్ సభ సీట్లలో ఏడింటిని, 175 అసెంబ్లీ సీట్లలో 41 ఆయా వర్గాలకు కేటాయించామని చెప్పారు. ముస్లింలకు 5 సీట్లు కేటాయించామన్నారు. సర్వేల ఆధారంగా కొద్దిమంది సిటింగ్ లను మార్చినట్టు జగన్ చెప్పారు.

వైఎస్ఆర్ కాంగ్రెస్ పార్టీలో ఉన్న ముఖ్యమైన నేతల కుటుంబాలకు రెండేసి సీట్లు కేటాయించారు. విజయనగరంలో బొత్స కుటుంబం మొదలుకొని చిత్తూరులో పెద్దిరెడ్డి కుటుంబం వరకు ఈ ఫ్యామిలీ ప్యాకేజీలు అమలయ్యాయి. పెద్దిరెడ్డి కుటుంబానికి రెండు అసెంబ్లీ సీట్లు, ఒక లోక్ సభ సీటు దక్కాయి. ఇటీవల పార్టీలో చేరిన వారందరికీ దాదాపుగా జగన్ సీట్లు ఖరారు చేశారు.

2009 ఎన్నికల సందర్భంలో అప్పటి ఉమ్మడి ఆంధ్రప్రదేశ్ రాష్ట్ర ముఖ్యమంత్రిగా వైఎస్ రాజశేఖరరెడ్డి, 294 సీట్లకు గాను రెండుచోట్ల మినహా అన్నిటికీ ఒకే జాబితాలో (కాంగ్రెస్) అభ్యర్ధులను ప్రకటించారు. ఇప్పుడు జగన్ తండ్రి పద్ధతిని అనుసరించి అన్ని సీట్లకూ ఒకేసారి అభ్యర్ధులను ప్రకటించారు.

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

2 100 %